პროექტი:
ვექტორი უკეთესი მომავლისკენ
პროექტი დაფინანსებულია “საქართველოს სამოქალაქო საზოგადოების ფონდი”-ს მიერ.
პროექტის მიმდინარეობა-2024-2025
პროექტის მიზანი:
სამეგრელოს სოფლებში, მ.შ. აფხაზეთთან ადმინისტრაციული საზღვრის მიმდებარე თემებში მცხოვრებ მოქალაქეებში ევროკავშირზე და საქართველო-ევროკავშირის ურთიერთობის მნიშვნელობაზე ინფორმირებულობის გაზრდა; მათ ნაწილში ევროპის და ევროინტეგრაციის მიმართ არსებული უარყოფით დამოკიდებულების შეცვლა პოზიტიურით, ევროკავშირისადმი ნდობის ამაღლება, საქართველოს ევროკავშირში გაწევრიანების მსურველ მოქალაქეთა რაოდენობის გაზრდა და მოქალაქეების ჩართულობის ამაღლება ევროინტეგრაციის პროცესებში.
პროექტის აქტივობები:
• რადიო გადაცემა „რატომ ევროკავშირი“
25 წუთიანი გადაცემა რადიო ათინათის პირდაპირ ეთერში თვეში 2-ჯერ. მოწვეული პოლიტიკის და საერთაშორისო ურთიერთობების ექსპერტები ისაუბრებენ ევროკავშირზე, საქართველოს ევროინტეგრაციის დადებით მხარეებზე; პოზიტივზე, რაც შეიძლება მიიღოს საქართველომ და თითოეულმა მოქალაქემ.
• მულტიმედია სტატიები და მოკლე ვიდეოები.
თვეში ერთხელ მომზადდება მულტიმედია სტატიები ან მოკლე ვიდეო ადგილობრივი ახალგაზრდების წარმატების ისტორიებზე, რომლებმაც განათლება მიიღეს ევროპისა და აშშ-ში, ან მონაწილეობდნენ გაცვლით პროგრამებში. ისინი ისაუბრებენ საერთაშორისო განათლების მნიშვნელობაზე; პოზიტიურ ზეგავლენაზე, მათ პროფესიულ მიღწევებზე;
• ინტერვიუები.
რადიოში თვეში ერთხელ გავა 20წუთიან ინტერვიუ იმ ორგანიზაციებისა და პროგრამების წარმომადგენლებთან, რომლებიც ხელს უწყობენ ახალგაზრდების განათლებას და დასაქმებას ევროპასა და აშშ-ში (საელჩოები, ამერიკული საბჭოები, ბრიტანეთის საბჭო, Erasmus+, EducationUSA ა.შ.). მსმენელებს შეეძლებათ ელ.ფოსტით გამოაგზავნონ შეკითხვები ან ჩაერთონ ტელეფონით პირდაპირ ეთერში.
ასევე იხილეთ კატეგორიაში: მიმდინარე პროექტები
USAID -ის სამოქალაქო განათლების პროგრამა